شاعر ولحدن يوم غنا يلومه

الله من شخص ( ن ) تشوقك علومـه

                                   وقاف ( ن ) على طرق الهجيني يغنيه
لاجر صوت ( ن ) يحرم الصب نومه
                                  تـطــربـك قيـفـانـه وتسـحـر مـعـانـيــه
شاعر ولحد ( ن ) يوم غنـا يلومـه
                                حــرفــه يـــذوب بـعـالـم الـوجــد والتيـه
يرمي على نبـض القوافـي همومـه
                               بعـيد عــن كـل العتـب والــمــشــاريـــه
بيت ( ن ) شراه وبيت غالي يسومـه
                             تـاجــر ذهــب واحــســاس فـكـره يقديـه
يقضـي بحلـوات المثايـل لزومـه
                            وايــعــانق ابـــداع الـغـــلا فـي قــوافــيـه
مافيه بحـر ( ن ) جازلـه مايعومـه
                           ولافــيــه قــاف  الا يبيــعـــه ويــشــريـه
مثل اللذي شاف القمـر مـع نجومـه
                          وغــنــا بـبـيتـن كـــل الاجــواد تـطــريــه
يقول فـي بيتـه بعـد طـار نومـه
                          وانـا مــالــومـــه دام نــومـــه مــجــافـيـه
يانعنبـوه امـن التـرف والنعـومـه
                          كــن الــبــنـي مــسترجــلـــه مـن حواليـه
يعنـي يشوفـه طـول ليلـه ويومـه
                         مثل القــمــر مــافــيه نـاس ( ن ) تحاليـه
هذا الغلا محد (ن ) سلم من سهومـه
                        والشــعــر كــذبة طيـف شــاعـــر تـحليـه
دام اكذبـه صـار اعذبـه مانلومـه
                        الشــاعــر اللي كل قـــاف ( ن ) يــغنيـــه

الغياب

الصاحب اللي عن عيوني غاب مدري ليه غاب
                                                الغايه انه غاب غيبه ماعرفت اسبابها
مدري غيابه من جفا والا زعل والا عتاب
                                              والا نوى ينسى صداقتنا ويـقـفـل باــبهــا
ليته يبوح ونعتذر والا يحاسبنا حساب
                                             الصحبه اللي طيبه لازم نحسب احسابهــا
اليا انقفل باب الغلا فتحت له مليوون باب
                                       واسرجت له خيل الرضى حتى العذول ايهابها
وان خاب ضنه في انا مايوم ضني فيه خاب
                                          هذا ترى سلم القلــوب اللي تـعـز احــبـابــهــا
اخيل زوله مثل بدون خالة اصدوق السحاب
                                            لاكشـرت عـــوج السنين الجايره بنيابـهــا
واشتاق له شوق ابدوين شاقته عوج الرقاب
                                            ضاعة حياته كلها والمـرجــله مــاجــابـهــا
حظه رمابه في يدين الفقر لين الراس شاب
                                           واضفت عــلــيه اسنينه اللي خانته جلبابهــا
واشتاق له شوق الندى للورد فحساس الضباب
                                           لاعــانق الـورد الـندى من فرحته هلابــهــا
انا اشهد ان الحب بلوى والفراق اكبر عذاب
                                          والــوصــل جنه تستلذ بخوخها واعــنابــهــا
واللي عشق له مهرتن تنقش على الكف الخضاب
                                          اما يبا يسعــد بها والا يــبــا يـشــقــابــــهــــا
اليا عطته الوصل والاخلاص والترحيب ذاب
                                         حتى الــبلاد اللي رــبتها ينتحـر بــتـرابـــهـــا
وان خاته قال الخيانه طبع تلعات الرقاب
                                         ياليت حضن جــابهــا في ســكتـي مــاجابـهــا
هاذي حيات العاشقين اما هنا والا خراب
                                        حــتى قصصهــم كل شــاعــر فالبلــد غنابهــا
وانا رمابي حظي العاثر بغرون مايهاب
                                        حتى الــلــيالــي داربـي مــن سبته دولابــهــــا
غرون يحسب ان الغلا والشوق صفحات الكتاب
                                        لاضاقــت الدنيــا بوجهـه وانجبر يـقــرابــهــا
اليا ذكرني زارني وان غاب طول فالغياب
                                       وانا اشهد انه غاب غيبه ماعرفــت اســبــابهــا
                

كلمتين

ياهل الشعر اسمعوني بسجل كلمتين 

                                          كلمتينن قالها حرف شاعر من عناه

واش يسوي صاحب الشوق والجرح الدفين
                                         لاعصاه احساس قلبه ومحبوبه عصاه
لاتقولولي يخل البحر لجله طحين
                                      البحر لو حس بالشوق مثلي جف ماه
كان بالغ يوم حس بغلاها حبتين
                                   علموني كيف يقدر يعود عن خطاه
علموني وايش اسوي بقلبن من سنين
                                  شايلن له حملن اكبر من اجبال السراه
قبل اعرفه كنت انا والصبر متفاهمين
                                    من عرفته كل واحد مشا له باتجاه
بس اردد جعل ربي يعين الصابرين
                                   وجعل ليل البعد والهجر مايطول مداه
والا انا مقوى فراقه وانا عندي يقين
                                  بانه اللي باع قلب المولع واشتراه
لاذكرته قمت اغني على الطرق الحزين
                                 وكل ماغنى لي الورق ذكرني غناه
صار له بقى الضماير غلا شوق وحنين
                                وصرت لامن جيب طاريه اشد الانتباه
كنه ايقول انت وينك عن العشاق وين
                                وان تكلم قلت له هاه مدري كيف هاه
كني اللي غارقن في بحر ماله عوين
                               وايتحسس في يدينه على طوق النجاه
كل ماحولت اصلي لربي ركعتين
                            اعترض لي في طريقي وضيعة الصلاه
فيه من ضبي الفلا يوم اشوفه حاجتين
                            عنق ريم وعينه اللي مثل عين المهاه
وفيه من ورد الهدا العذب حمرة وردتين
                             في وجونن كنها الثلج والتوت الشفاه
الله اكبر لوتشوفه ورود الياسمين
                              كان قالت ليتهم زارعيني في حشاه
والاانا مقدر فراقه وانا عندي يقين
                                 بانه اللي باع قلب المولع واشتراه

القلم والسيف

"يـــــــــــــا بــــــــــــلادي"

يـــــابـــــلادي يـــــابــــــلاد الـــــعــــــز يـــامــــهــــد الـــرســــالــــه

يــابــلاد أهــــل الـشـهـامـة والــشــرف وأهــــل الـبـطـولـه

مــنــبــع الـــديـــن الـحـنــيــف الـــلــــي يـظـلـلــنــا ظـــلالــــه

مـاخـتـلـفـتــي عـــــــن كـــتــــاب الله ولا ســـنــــة رســـولــــه

فـــيـــك أول مـــــــن تــعــلـــم فـالــبــشــر لـــفــــظ الــجــلالـــه

وفـيـك عــاش الفاتـحـيـن الـلــي لـهــم صـولــه وجـولــه

وفـيـك أرض(ن) كــل مــن وحــد يـشــد الـهــا رحـالــه

الله الـــلـــي فــــــي كــتــابــه قـــــــال لــلــنـــاس ارحــالــولـــه

يـــــابــــــلاد الآمــــنــــيــــن ويــــــــــــا مــــــوازيــــــن الــــعــــدالــــه

يــاعــريـــن الأســـــــد دايـــــــم يـــــــا مــنــابــيــع الــرجـــولـــه

يـــــــابـــــــلادي يـــــــابـــــــلادي مـــــادنـــــســـــك الـــحــــثــــالــــه

ياقمر فأعلى سمى الإبداع ماشخص (ن) يطوله

اســتــحــالــه مــايــنــالـــوا مـــــــــن مــكــانــتـــك اســتــحــالـــه

مــــــن ســـفـــك دم الـمـعــاهــد واسـتـبــاحــك يـالـطـفــولــه

شـــــلـــــة الإرهــــــــــاب والــتــكــفــيــر ودروب الــجــهـــالـــه

شـــلـــة(ن) بـــاعـــت شــرفــهــا والـشـهــامــه بـالـسـهـولــه

ارســــالـــــوهـــــا لــلـــجـــحـــيـــم وجـــــنـــــدوهـــــا لـــلـــعـــمـــالـــه

نـعـنـبــو مـــــن بــــــاع ديـــنـــه واســتــلــم فـــيـــه الـعـمــولــه

الـهـبـيــل الــلـــي مـضــيــع مـكـسـبــه مـــــع رأس مـــالـــه

بـــــــــاع نـــفـــســـه والـشــيــاطــيــن الــرجــيـــمـــه زيـــنـــولــــه

يــــذبــــح الأطــــفــــال والــــرمـــــل ويـحــســبــهــا شـــكـــالـــه

مــــارحــــم حــــتــــى الــيــتــامــى والــثــكــالـــى والــكــهــولـــه

مــــادرى إنــــا مــــن جــنـــوب بــلادنـــا حــتـــى شـمــالــه

صــــــف واحــــــد مـاتـفـرقـنــا يــــــد الــنــجـــس الـخــتــولــه

تـــحـــت رايــــــة لا إلــــــه إلا الله وكـــســـاب الـجــمــالــه

الـمـلـيــك ابـــــن الـمــلــوك الــلـــي تــهــابــه كــــــل دولــــــه

المـلـيـك الــلــي كــســب طــــالات مــــن جــــده وخــالــه

ابن صقر (ن) نال عـز (ن) مـاش رجالـن ينولـه

صــقــرنــا صـــقـــر الــجــزيـــرة ســـلــــم الـــرايــــة عــيــالـــه

وارتـــكـــو لـلـحــكــم بـالـنــامــوس والـــعـــز ارتـــكــــو لـــــــه

حـكـمــوا فــيــه الـشـريـعـة وأصـبـحــوا لـلـشـعــب آمــالـــه

واكتـبـوا لــه فــي سـنـام الـمـجـد صـفـحـة واعـتـلـوا لـــه

والـخــتــام أقـــــول مـــــن بــــــاع الــبــلــد عــــــزي لــحــالــه

نـعـنـبــو مـــــن بــــــاع ديـــنـــه واســتــلــم فـــيـــه الـعـمــولــه